Ұ Й ҒА Р Ы М

2025 жылғы 11 қараша

6003-25-00-3/8 Астана қаласы

Қылмыстық істер жөніндегі кассациялық сотының судьясы Г.Б.Даулетова, Батыр Ералханович Сейкеновке қатысты Қазақстан Республикасы Әкімшілік құқық бұзушылық туралы Кодексінің (ӘҚБтК) 4562-бабының 3-бөлігінде көзделген әкімшілік құқық бұзушылық туралы іс бойынша Қостанай облыстық сотының төрағасының ұсынысын қарап,

А Н Ы Қ Т А Д Ы:

Қостанай облысы Арқалық қалалық сотының өндірісіне Астана қаласының әкімшілік құқық бұзушылықтар жөніндегі мамандандырылған ауданаралық сотының 2025 жылғы 06 қазандағы соттылығы бойынша жолдау туралы ұйғарымына сәйкес, Батыр Ералханович Сейкеновке қатысты ӘҚБтК-тің 4562-бабының 3-бөлігінде көзделген әкімшілік құқық бұзушылық туралы іс келіп түсті.

Әкімшілік құқық бұзушылық туралы 10.08.2025 жылғы хаттамаға сәйкес Б.Е.Сейкенов «Facebook» әлеуметтік желісінде өзінің «Batyr Seikenov» парақшасында Арқалық қаласы әкімдігінің жұмысының беделін түсіру мақсатында Арқалық қаласында 2024 жылғы су тасқыны кезінде жиналған гуманитарлық көмектің дұрыс бөлінбегені туралы жалған ақпаратты таратты. Ол ұқсас ақпаратты 11.08.2025 жылы сағат 12.00-де сол бетте таратты.

Айыпталатын құқық бұзушылықтың құрамы, егер бұл әрекеттерде қылмыстық жазаланатын іс-әрекет белгілері болмаса, қоғамдық тәртіпті, азаматтардың немесе ұйымдардың құқықтары мен заңды мүдделерін не қоғамның немесе мемлекеттің заңмен қорғалатын мүдделерін бұзуға жағдай жасайтын онлайн-платформаларды пайдаланушылардың жалған ақпаратты орналастыруынан, таратуынан тұрады.

Іс материалдарынан Б.Е.Сейкенов Астана қаласында, Байқоңыр ауданы, Кенесары көшесі, 46-үй, 65-пәтерде тұрақты тұратыны анықталды.

Әкімшілік құқық бұзушылық туралы хаттама оның қатысуынсыз жасалған. Б.Е.Сейкенов ақпаратты интернет-ресурстарға таратты.

ӘҚБтК-нің 829-1-бабының 1-бөлігінің талаптарына сәйкес әкімшілік құқық бұзушылық туралы іс оның жасалған жері бойынша қаралады. Өзіне қатысты әкімшілік құқық бұзушылық туралы іс бойынша іс жүргізіліп жатқан адамның өтінішхаты бойынша іс осы адамның тұрғылықты жері бойынша қаралуы мүмкін.

Астана қаласының әкімшілік құқық бұзушылықтар жөніндегі мамандандырылған ауданаралық соты Арқалық қалалық сотына хаттаманы жолдаған кезде құқық бұзушылықтың орын алған жерін анықтамаған және Б.Е.Сейкеновке істі оның тұрғылықты жері бойынша қарау құқығын түсіндірмеген.

Мұндай жағдайда 829-1 бабы 1-бөлігінің талаптары ескеріле отырып, іс әкімшілік құқық бұзушылық жасалған жер анықталу үшін Астана қаласының әкімшілік құқық бұзушылықтар жөніндегі мамандандырылған ауданаралық

сотының қарауына жіберіліп, оның нәтижесі бойынша іс ӘҚБтК-нің 829-1 бабы 1-бөлігіне сәйкес қаралуға жатады.

Жоғарыдағылардың негізінде, ӘҚБтК-нің 829-9, 829-17-баптарын басшылыққа алып,

Ұ Й Ғ А Р Д Ы:

Батыр Ералханович Сейкеновке қатысты ӘҚБтК-нің 456-2-бабының 3- бөлігінде көзделген әкімшілік құқық бұзушылық туралы іс әкімшілік құқық бұзушылық жасалған жерді анықтау үшін Астана қаласының әкімшілік құқық бұзушылықтар жөніндегі мамандандырылған ауданаралық сотының қарауына берілсін, оның нәтижесі бойынша іс ӘҚБтК-нің 829-1 бабы 1-бөлігіне сәйкес қаралсын.

Ұйғарым шағымдануға жатпайды.

Судья: