№ 6003-25-00-2к/1029

2025 жылғы 10 қараша Астана қаласы

Азаматтық істер жөніндегі кассациялық соты құрамында: төрағалық етуші - судья Г.С.Джаппарова, судьялар А.К.Айкенова, Д.Д. Махметова, талап қоюшы Г.М.Игламованың, жауапкердің өкілі С.Г. Пактың

үшінші тұлғалардың өкілдері Г.Н.Турлыбекованың, Б.Р.Джуруновтың аудармашы А.Қазыбекқызының қатысуларымен,

ашық сот отырысында талап қоюшы Гульжан Мелисовна Игламованың жауапкер «Қонаев қаласының қалалық көпсалалы ауруханасы» мемлекеттік коммуналдық кәсіпорнына бұйрықты заңсыз деп тану және күшін жою, жұмысқа қалпына келтіру, еңбек ақыны өндіру туралы талабы бойынша қабылданған,

Алматы облыстық сотының азаматтық істер жөніндегі сот алқасының 2025 жылғы 19 наурыздағы қаулысына жауапкердің кассациялық шағымымен түскен азаматтық істі қарап,

А Н Ы Қ Т А Д Ы:

Талап қоюшы Г.М. Игламова сотқа аталған талап қоюымен жүгінген. Алматы облысы Қонаев қалалық сотының 2024 жылғы 6 желтоқсандағы шешімімен талап қою қанағаттандырусыз қалдырылған.

Алматы облыстық сотының азаматтық істер жөніндегі сот алқасының 2025 жылғы 19 наурыздағы қаулысымен шешімнің күші жойылып, талап қоюды қанағаттандыру туралы жаңа шешім қабылданған.

«Қонаев қаласының қалалық көпсалалы ауруханасы» мемлекеттік коммуналдық кәсіпорнының 2024 жылғы 7 маусымдағы №14 бұйрығы заңсыз деп танылып, күші жойылған.

Г.М. Игламова «Қонаев қаласының қалалық көпсалалы ауруханасы» мемлекеттік коммуналдық кәсіпорны Қонаев қалалық орта мектеп гимназиясы мейірбике ретінде қайта жұмысқа орналастырылған.

Г.М. Игламованың пайдасына амалсыз бос жүрген екі ай мерзімдегі уақытына 200 000 теңге еңбек ақысы өндірілген.

Жауапкер кассациялық шағымда сот алқасы, бірінші сатыдағы сотпен дұрыс қолданылған заң нормаларын елемей, заңды шығарылған шешімді бұзғанын, тәртіптік комиссия отырысы барысында Г.М. Иғламова жұмыс орнында болмағанын растағандықтан оған ескерту түріндегі тәртіптік жаза қолданылғанын көрсеткен. Сонымен қатар, Н.Ж.Қасеннің өтінішінде көрсетілген уәждер жартылай расталып, еңбек міндеттерін қайтадан орындамағаны және тиісінше орындамағаны үшін еңбек шартын бұзу түрінде тәртіптік жаза қолданылғанын ескермей, сот алқасының еңбек және азаматтық

процестік заңнама нормаларын айтарлықтай бұзуына байланысты қаулының күшін жойып, бірінші сатыдағы соттың шешімін өзгеріссіз қалдыруды сұраған. Кассациялық сот істегі дәлелдемелерді зерттеп, іске қатысушылардың түсініктерін тыңдап, кассациялық шағым уәждерін талқылап, төмендегі тұжырымға келеді.

Қазақстан Республикасы Азаматтық процестік кодексінің (бұдан әрі - АПК) 438-бабының 5-бөлігіне сәйкес заңсыз сот актiсiн шығаруға әкеп соққан, материалдық және процестік құқық нормаларының елеулi түрде бұзылуы, заңды күшіне енген сот актілерін кассациялық тәртіппен қайта қарауға негiздер болып табылады.

Іс бойынша мұндай заң бұзушылықтарға жол берілмеген.

Анықталғандай, Г.М.Игламова 2020 жылы 12 қазанда еңбек шарты негізінде «Қонаев қаласының қалалық көпсалалы ауруханасы» МКК-не (бұдан әрі - Кәсіпорын) мектеп медбикесі қызметіне қабылданып, жұмыс орны Қапшағай (қазіргі Қонаев қаласы) қаласы, 4 шағын аудан, 62/2 ғимаратында орналасқан «Алматы облысы білім басқармасының Қонаев қаласы бойынша білім бөлімі» мемлекеттік мекемесінің «Орта мектеп-гимназиясы» коммуналдық мемлекеттік мекемесі болып бекітілген.

Кәсіпорынның 2024 жылғы 22 мамырдағы №13 бұйрығымен Г.М.Игламова ескерту түріндегі тәртіптік жазаға тартылған. Кәсіпорынның 2024 жылғы 7 маусымдағы №14В бұйрығымен Г.М.Игламовамен еңбек шарты Қазақстан Республикасы Еңбек кодексінің (бұдан әрі - Кодекс) 52-бабы 1-тармағы 16) тармақшасына сәйкес бұзылған. Талап қоюшы жұмыстан босатылуымен келіспей сотқа жүгінген.

Бірінші сатыдағы сот, талап қоюды қанағаттандырудан бас тартып, өз шешімін жұмыс берушімен даулы бұйрық заңды шығарылғанымен негіздеген.

Апелляциялық сот бұл тұжырыммен келіспей, талап қоюшыда қайталанудың және жазаға тартылғаны туралы міндетті белгілері болған жоқ, жұмыс берушінің еңбек шартын бұзу түріндегі қолданылған тәртіптік жазасы орын алған теріс қылықтардың ауырлығына сәйкес келмейтінін, талап қоюшы жұмыс атқарған уақытта 2024 жылдың мамырына дейін бірде-бір тәртіптік жауапкершілікке тартылмағандығын көрсетіп, талап қоюды қанағаттандыру туралы жаңа шешім қабылдаған.

Іс құжаттарына қарағанда, талап қоюшыға ескерту тәртіптік жазасы қолдануға оның себепсіз 2024 жылғы 10 мамырда сағат 15.00-ден 15.35-ке дейін, яғни 35 минут жұмыс орнында болмауы негіз болған.

2024 жылғы 4 маусымдағы тәртіптік комиссиясының отырысында В.М.Еркинбаеваның 20 мамыр 2024 жылғы арызы мен мектеп мейірбикесі Н.Ж.Қасеннің 17 мамыр 2024 жылғы арызы орын алған.

Жауапкер тарапынан 2024 жылы 2 сәуірде, санитариялық-эпидемия талаптарын бұза отырып, Г.М.Игламова 15 жасқа толмаған Р.Жумадилді туберкулезді анықтау мақсатында флюрографиялық зерттеуге жіберген деп көрсеткен.

Сот алқасымен анықталғандай, оқушы Р.Жумадил 22 сәуір 2024 жылы

15 жасқа толады, яғни орын алған оқиғадан кейін 20 күннен кейін, сонымен қатар апелляциялық сот отырысында 15 жасқа толмаған Р.Жумадил флюрографиялық зерттеуден өтпеген және зерттеуден өтетін тізімде көрсетілмеген, бұл мән-жайды жауапкердің өкілі жоққа шығармаған.

Г.М.Игламова өз тарапынан Р.Е.Жумадилді флюрографиядан өтуге жібермегенін, баланың сыныптастарына ілесіп өзі кетіп қалғанын көрсеткен, талап қоюшының бұл уәждері ескерусіз қалған.

Тәртіптік комиссия кезінде мейірбике Н.Касеннің талап қоюшы Г.М.Игламовамен жұмыс істей алмаймын деген шағымы да қаралған. Әріптесі Н.Касен екеуі арасындағы мәселені шешу үшін Г.М.Игламованың 2024 жылдың мамыр айының 10, 13, 24 күндері директордың қабылдауына барғанын тәртіптік комиссия ескермеген.

Істің мұндай тұрғысында, апелляциялық соттың талап қоюды қанағаттандырып, Г.М.Игламованы бұрынғы жұмысына қайта орналастыруы негізді.

Сол себепті сот, апелляциялық сатыдағы соттың қаулысы күшінде, кассациялық шағым қанағаттандырусыз қалдырылуға жатады деп санайды.

АПК-нің 451-бабы 2-бөлігінің 1)-тармақшасын басшылыққа алып, кассациялық сот

Қ А У Л Ы Е Т Т І:

Алматы облыстық сотының азаматтық істер жөніндегі сот алқасының 2025 жылғы 19 наурыздағы қаулысы күшінде қалдырылсын.

Жауапкердің кассациялық шағымы қанағаттандырусыз қалдырылсын.

Төрағалық етуші Г.С.Джаппарова

судьялар А.К.Айкенова

Д.Д. Махметова