ҰЙҒАРЫМ

2025 жылғы 14 ақпан 6001-24-00-6ап/1215 Астана қаласы

Қазақстан Республикасы Жоғарғы Сотының әкімшілік істер жөніндегі сот алқасы құрамында:

төрағалық етуші – алқа судьясы Ғ.Ө.Әлжанов, судьялар –Ж.Б.Ермағамбетова, Б.Т.Нажмиденов болып, талап қоюшының өкілі Е.А.Аскаровтың,

жауапкер өкілдерінің А.Д.Абенованың, Г.Серібайқызы қатысуымен, Қазақстан Республикасы Жоғарғы Сотының ғимаратында ашық сот отырысында талап қоюшы «Қазақстан Республикасы Корғаныс министірлігі «20015 әскери бөлімі» республикалық мемлекеттік мекемесінің (бұдан әрі - Әскери бөлім) «Қазақстан Республикасы Қаржы министрлігінің Мемлекеттік кірістер комитеті Астана қаласы бойынша Мемлекеттік кірістер департаментінің Нұра ауданы бойынша Мемлекеттік кірістер басқармасы» (бұдан әрі - Нұра ауданы бойынша МКБ-сы) республикалық мемлекеттік мекемесіне қойылған салықтық берешекті өтеу туралы хабарламаға дау айту туралы әкімшілік ісі бойынша қабылданған,

Астана қаласының мамандандырылған ауданаралық әкімшілік сотының 2023 жылғы 19 желтоқсандағы шешіміне және жеке ұйғарымына, Астана қалалық сотының әкімшілік істер жөніндегі сот алқасының 2024 жылғы 6 наурыздағы қаулысына және ұйғарымына жауапкер Нұра ауданы бойынша МКБ-сының келтірген кассациялық шағымымен келіп түскен әкімшілік ісін қарап,

АНЫҚТАҒАНЫ:

Талап қоюшы жауапкерге салықтық берешекті өтеу туралы хабарламаға дау айту туралы талап қоюмен сотқа жүгінген.

Астана қаласының мамандандырылған ауданаралық әкімшілік сотының 2023 жылғы 19 желтоқсандағы шешімімен талап қою қанағаттандырылған.

Сондай-ақ осы сотпен анықталған бұзушылықтар бойынша Астана қаласы бойынша Мемлекеттік кірістер департаментінің атына жеке ұйғарым қабылданған.

Астана қалалық сотының әкімшілік істер жөніндегі сот алқасының 2024 жылғы 6 наурыздағы қаулысымен және ұйғарымымен бірінші сатыдағы соттың шешімі мен жеке ұйғарымы күшінде қалдырылған.

Жауапкер кассациялық шағымында сот актілерімен келіспейтінін көрсетіп, олардың күшін жойып, талап қоюды қанағаттандырудан бас тарту туралы жаңа шешім қабылдауды сұрайды.

Сот отырысында жауапкердің өкілдері кассациялық шағымын қолдап, оны қанағаттандыруын сұрады.

Жергілікті соттардың сот актілерінің істің мән-жайларына, істе бар дәлелдемелерге, сондай-ақ материалдық және іс жүргізу құқығының қолданылатын нормаларына сәйкестігі тұрғысынан қорытындыларын тексере отырып, Қазақстан Республикасы Жоғарғы Сотының әкімшілік істер жөніндегі сот алқасының 2025 жылы 14 ақпандағы қаулысымен жергілікті соттардың актілері өзгеріссіз қалдырылды.

Істің мән-жайларына, талап қоюдың нысанасы мен негізіне, кассациялық шағымның мазмұнына сүйене отырып, сондай-ақ сот отырысында жауапкер өкілдерінің түсіндірмелерін назарға ала отырып, сот алқасы кассациялық шағым берген Департамент басшысының ісәрекеттерінде материалдық құқық нормаларына және қалыптасқан сот практикасына қайшы құқықты теріс пайдалану және лауазымдық міндеттерді тиісінше орындамау көрінеді деген қорытындыға келеді. Қазақстан Республикасының Азаматтық процестік кодексінің 46бабының екінші бөлігіне сай іске қатысатын адамдар істің нақтылы мәнжайлары туралы сотқа толық әрі шынайы түрде мәлімдеуге, сөз сөйлеуге немесе сотқа екінші тарап растаған фактілерді теріске шығаратын жазбаша құжаттар ұсынуға міндетті. Іске қатысатын адамдардың процестік міндеттерін орындамауы осы Кодексте көзделген процестік салдардың туындауына әкеп соғады.

Қазақстан Республикасы Әкімшілік рәсімдік-процестік кодексінің (бұдан әрі – ӘРПК) 127-бабының бірінші бөлігіне сәйкес сот осы Кодексте белгіленген жағдайларда ақшалай өндіріп алуды қолданады.

Сот процестік құқықтарды теріс пайдаланатын немесе процестік міндеттерді орындамайтын тұлғаға, оның ішінде сот белгілеген мерзімді дәлелсіз себептермен бұза отырып дәлелдер ұсынылған, тапсырмалар орындалған жағдайларда, егер бұл әкімшілік істі қараудың созылуына алып келсе, әрбір әрекет (әрекетсіздік) үшін он айлық есептік көрсеткіш мөлшерінде ақшалай өндіріп алуды қолдануға құқылы (ӘРПК-нің 127бабының үшінші бөлігі).

Әкімшілік Әділет контекстінде сот процесіне қатысушылар өздерінің іс жүргізу міндеттерін орындамаған кезде мұндай жаза қолдану құқығы сот билігінің тәуелсіздігі, тәуелсіздігі қағидатынан туындайды және сот төрелігін жүзеге асыру үшін қажетті соттың дискрециялық өкілеттіктерінің көріністерінің бірі болып табылады.

Сонымен қатар, ақшалай өндіріп алуды қолдану заң мен сотқа құрметпен қарауды қалыптастыру және сот ісін жүргізу міндетін орындауға ықпал етеді.

ӘРПК-нің 118, 127, 138 -баптарын басшылыққа алып, сот алқасы,

Ұ Й Ғ А Р Ы М Е Т Т І:

«Қазақстан Республикасы Қаржы министрлігінің Мемлекеттік кірістер комитеті Астана қаласы бойынша Мемлекеттік кірістер департаментінің Нұра ауданы бойынша Мемлекеттік кірістер басқармасы» республикалық мемлекеттік мекемесінің басшысына Нуржан Казакпаевич Капашевке 10 (он) айлық есептік көрсеткіш мөлшерінде, яғни 39 320 (отыз тоғыз мың үш жүз жиырма) теңге ақшалай өндіріп алу қолданылсын.

Ақшалай өндіріп алуды келесі төлеу деректемелер бойынша жүзеге асырылатыны түсіндірілсін:

Бенефициар ҚР Қаржымині МКК Астана қаласы бойынша Мемлекеттік кірістер департаментінің Есіл ауданы бойынша Мемлекеттік кірістер басқармасы;

Бенефициардың БСН 081240013779;

Салық органының коды 6205;

"ҚР ҚМ Қазынашылық комитеті"ММ Бенефициар банкі;

ЖСК KZ24070105KSN0000000; БСК KKMFKZ2A; КНП 911; КБК 204 178;

ӘРПК-нің 127 - бабының 6 - бөлігіне сәйкес ақшалай өндіріп алуды төлеу ұйғарым табыс етілген күннен бастап бес жұмыс күні ішінде жүзеге асырылады және ол республикалық бюджеттің кірісіне өндіріп алынатыны түсіндіріледі.

Ұйғарым шағым келтірілуге, прокурордың өтінішхаты бойынша қайта қаралуға жатпайды.

Төрағалық етуші

Ғ.Әлжанов

Ж.Ермағамбетова

Судьялар

Б.Нажмиденов